Pokoknya ikam harus kuliah di
jurusan ini nak ae..jgn di jurusan nintu..
Pokoknya ikam harus jd PNS kaya
abah ikam, jgn bagawi swasta,…kita katurunan PNS mulai nini datu ikam zaman
belanda bahari. Pokoknya ikam harus kawin lawan
kaluarga si anu tu nah, jgn lawan si anu bin si anu. Jgn kawin lawan urang suku
nintu, suku nintu kd baik pahatian nya. kawin lawan suku kita jua..pokoknya
Titik, kd pakai koma…”
Ini pang type kuitan nang
mamaksakan kehendaknya, walaupun secara halus sekalipun…tatap ae judulnya
pemaksaan secara halus lawan anak.
Amun anak toh sudah akil baliqh
pa ae,…bu ae….’, biar pang inya memilih dan berhak atas pilihan dan keputusan
nya saurang.
Nang menjalani tu anak pian bu ae, pa ae…”lain pian,
Tapi maaf pang lah, kira kira
Mungkin aja waktu pian menyarankan sesuatu, pian di sisi lain mahandaki sesuatu
nang bs membahagiakan pian saurang, mamuaskan kahandak saurang. Itu naran nya
handak nyaman saurang,..balum tantu nang menjalani senang dengan keputusan pian.
Wahini banyak nang kawin karena paksaan urang tuhanya, kehendak orang tua
akhirnya berujung pada perceraian. Walaupun banyak jua nang bacaraian akibat
kaputusan nya saurang kd ma asi urang tuha. Tp itulah resiko dan pilihan, wajar
dan normal sabujuran nya.
Amun pian tetap kd ridho dengan
keputusan anak pian, misalnya handk sekolah dimana, handak kawin lawan siapa,
handak bagawi dimana…” berarti itu sama artinya pian justru maulah rejeki anak
pian tersendat sendat, sama artinya maulah kehidupan anak pian bakalan carut
marut. Samisal kakanak ni tetap pd keputusan nya lalu d perjalanan kehidupan
nya carut marut, itu bukan karena si anak salah memilih jodoh, tp akibat pian
asalnya kd ridha, kd ikhlas, lalu antara doa si anak dan doa urang tuhanya kd
selaras. makanya inya jadi kaya itu…’
Nabi aja kd pernah memaksakan
kehendak sidin terhadap umat sidin. Sidin Cuma menyampaikan jalan kebaikan dan
keburukan. Lalu mamadahakan konsekuensi dari masing2 pilihan. Tp kd pernah
sidin memaksakan kehendak kepada umat sidin.
Nah, amun sudah kaya ini, amun
handak anak anak pian kehidupan nya bagus, jalan nya lempang,…jgn talalu
manggaduhi urusan nya amun inya sudah akil baligh…doakan, bimbing, arahkan dan
kd papa sekali kali di awasi kalu jalan kehidupan nya tasalah arah.
Tp ingat,…jgn talalu manggaduhi
buncu tapih anak pian, gaduhi buncu tapih pian saurang…
*Habib Kuin
0 Comments
.jpg)
