Kikira lambat kah atau palaju nya masuk syurga urang nang sugih tuh..?

Kada baik,... bahkan kurang mendidik lalu tadi papadah pa ustadz di mushola, sambil makan malam badadangar papadah sidin. menurut aku pang lah..tahu am nah...menurut pendapat buhan km...

jar sidin, urang kafir, nagara kafir tu lagi di istidraj Alloh ta'ala lawan kakayaan,....biar akan aja buhan nya tu sugih di dunia, tp miskin di akhirat. liatakan ja kaina... (model pasti nintu masuk syurga,...hihihi...)

umat islam ni, biar aja miskin di dunia, tp sugih akhirat...ujar pa ustadznya..."

urang sugih tu malah lambat masuk syurga ulih karena banyak tatakunan malaikat masalah kekayaannya, darimana di dapat..pakai cara apa mendapat dan dll.....nabi sulaiman tu nah, nabi nang paling lambat masuk syurga oleh karena kekayaan nya....blaa...blaa,..blaa.....tu ujar sidin lah. lain ujarku...

nah, amun ujarku (dalam hati ja pang tadi manyambat)

itu sama artinya pa ustadz ae menggeneralisasikan (menyamaratakan) bahwa urang sugih tu samuaan lambat dihisabnya....

Bini Nabi tu nah urang sugih, sahabat Nabi tu nah sugih sugih kecuali sayidina Ali. Nabi sendiri pun sabujuran nya sugih tp kd mau menampaikan kasugihan sidin...

apa mungkin lantaran kesugihan nya, panutan ummat islam ini lambat masuk syurga..?

nang susah masuk syurga tu adalah urang nang salah dalam mendapatkan kesugihan nya (misalnya, menipu, ngepet, pengajian tuyul, ilmu hitam dll)

nang kedua,..... salah dalam membelanjakan hartanya, misalnya, duit banyak dibawa dan di hamburkan di meja judi, minum2man keras, bawa ke HBI, sewa ladies sabulanan,....ka luar negri...foya foya, menukar ru,mah sing gonolan tp anak yatim dihiga rumah terlantar...

coba amun sudah jalan mendapatkan kesugihan nya dengan cara nang halal, jujur dalam berbisnis, membantu membuka lapangan pekerjaan sehingga banyak nang kawa begawi di perusahan nya....lalu duit nang didapat, dimanfaatkan gasna kemaslahatan umat dan agama, maulah panti asuhan, panti jompo, mambangun masjid, mushola dan menolong ummat nang membutuhkan bantuan nya,....

kira kira kaina nya lambat kah atau palaju nya masuk syurga..?

daripada hidup miskin, hari hari mengeluh masalah kemiskinan nya..nangkaya kd ikhlas nintu dibari ulih Alloh kemiskinan nya....kira kira nintu laju lah masuk syurga..?

coba km fikirakan.."